Big Brother VIP Albania 6: Kush janë emrat e mundshëm?

Një nga emrat e parë të zbuluar ishte Negisa Dido, fituesja e edicionit të shtatë të “She’s On Top”. Më 16 gusht, Loki Magazine raportoi ekskluzivisht se Negisa pritet të jetë një prej konkurrenteve të BBVA 6.

Pas fitores në formatin e Top Channel, ajo siguroi edhe një kontratë televizive me emisionin “E Diell”.Një tjetër personazh i përmendur është Helga Cako, vajza e Alfred Cakos. Emri i saj u propozua më 25 shtator nga gazetari Bledi Mane, gjatë një interviste në “She’s On Air” në Top Albania Radio.

Mane foli për mundësinë që Helga të bëhej pjesë e spektaklit, duke përmendur edhe reagimet që mund të kishte i ati gjatë qëndrimit të saj në shtëpi. Në të njëjtën intervistë, Mane përmendi edhe Milaim Zekën.